13 Kalimat Sisindiran Banyol Sunda Lucu

Assalamuallaikum wr.wb. sampurasun..

Hayu urang ngamumule sisindiran banyol sunda kiwari.

1. kueh talam rasana ajip

Meuni bareukah katingalina

Jawab salam eta wajib

Pasti barokah kangge sadayana

2. ngala kalapa jeung mang hapid

Tibeurang nepika burit

Gara gara aya si kopid

Ceuceu jdi teu bisa ngala duit

3. saur ema kudu eling

Sing inget kana pepeling

Kudu gewat ngeulap pingping

Bisi jadi ngabeuling garing

4. moe pare terus di giling

Nungguan rapih bari cicing

Lamun sare bari nungging

Teukarasa baseuh pingping

5. namina goreng odading

Karesepna indung kuring

Kajeun karasana asa jeding

Nu penting jibreug guguling

6. kieu-kieu ge ginding

Pantes keneh mun disanding

Anu nojos dina jero samping

Mantak sok jadi merinding

7. goreng emping ti lamping

Ngan sesa sahiji dina piring

Geura rehe ieu peuting

Tos hoyong muka samping

8. kacimamut ngala bonteng

Kaciri aya nu morongkol

Mun sungut bau spiteng

Jiga na tas murak jengkol

9. ngumbah cikur ka sumur

Eleuh balikna tigejebur

Jeung dulur kudu tambah akur

Jeung batur sing janten dulur

10. pelesiran ka Bandung 

Diteraskeun ka ci anjur

Sisindiran henteu nyambung

Nu penting mah bisa ngahibur

11. mang usen mawa cagehgar

Mang kemen mawa tikukur

Nu nyieun status sing beunghar

Nu komen sing panjang umur

12. pelesiran ka kota Bandung

Meser cabe jeung picung

Anu kasindiran sok pundung

Eta lambe na sok nyungcung

13. buah manggu jeung cilok

Goreng combro jeung wajit

Malem minggu loba nu olohok

Loba jomblo teuboga duit.

Cag heula ...permios.

- Farida -